DON CHISCIOTTE DLA MANCIA

Introdussion al

PRIM CAPÌTUL

CHE TRATA DLA CUNDISSIUN, DEL CARÀTER E DIJ ABITÜDIN DEL FAMUS NOBILOM DON CHISCIOTTE DLA MANCIA. 

Ant ün pais dla Mancia, che me vöj nen arcordémi cum sa ciama, viviva - che l’é nen tant temp fa - ün nobilom ’d cuj che han la lansa ant el cavié e ün véj scü, ün magher broc ed ün levrié da cassa. ’Na sieta ed quaicos, pi ’na vaca che ’n capon, tochetin ’d carn ant-la salada, ’l pi dle seire, frità ed piote el saba, lentije el vëner, ün poc ’d piviun per sürpì la dümìnica, lur esaurivo i tre quart ’d lur possediment. ’L rest ed lur avej terminavo ’l bel mantel archincà ’d castur, le braje ’d vlü per el dì dle feste, con ilj curispundent fanguse sempre ad vlü. Ant el di ant la smana - poi - piasiva vestesi ad cui paltò ’d lanagi, che i-sun tìpic dla Sardegna, tëssü dla pi bela manifatüra. Avìa ant-la ca ’na mamìa che süperava i quaranta agn e ’na anvuda che l’arivava nen ai vint agn, pi ün garsun pe’l mercà, che tant a l’era bravo a slé ün broc quant a dovré le tisoire dla potatüra. L’età del nobilom nost rasentava i sinquanta agn: (a)l’era energicament robüst, süit ant i müscuj, con el mustass sec, l’era propi tant ün matiné e l’era ün mecio dla cassa. Lur völo dì che chiel-lì aveissa el stranom ed Chiasciada o Chesada, sicume quant a lon a-l’é cheica diferensa fra ij autur che scrivo ’d chiel; cumben per quant pössa esse verosìmil le congetüre as lassa capì che ’s ciamava Chesciana. Ma son-sì ha nen importansa per la nossa storia: basta che, racuntand, as traspunuma nen dal ver. 

A-l’é - dunc - da savej che ’l ansidit nobilom, ant-ij moment d’ossi (che l’ero la magiur fëta dl’agn) dasìa a la letüra ’d-ij lìber ad cavalerìa con acsì tanta passiun ad ’smentié-si quasi cumpletament ’l svag dal cassa e ’l masent dla ca. E, a-l’é giunzü a tant - an son - a sua fëna e l’aberassiun che ’ vendìo tant ad cui cios per cumpré liber ’d cavalerìa ’d lese, quindi chiel portasne dré quant ’na podìa avej; ma - fra tüit - gnün aj parëssava acsì bel cum cuj che cumpunia Feliciano de Silva, perché la limpidëssa ’d cula sua prosa, e cuj sui discurs cuntort  ’d parëssavo ’na maravije, specialment quand arivava a lese cule proteste d’amur e cule létere ’d tensun.